Tuesday, July 7, 2009

ನನ್ನ ಬದುಕಿನಲ್ಲಿ ಸಾವಿಲ್ಲದ ಪಾತ್ರ ನೀನು

ಭಾವನೆಗಳಿಗೆ ಕಿಚ್ಚಿಟ್ಟು ಉರಿದು ಬೂದಿಯಾಗುವುದನ್ನು ನೋಡಿಯೂ ನೀನೇಕೆ ಮೌನಿಯಾದೆ ಹುಡುಗಿ??? ಮಳೆ ಹೊತ್ತು ತರುವ ಮೋಡಗಳು ಕೂಡ ನಿನ್ನ ಹೆಸರನ್ನೇ ನನ್ನದೆಯಲ್ಲಿ ಬಿತ್ತುತ್ತಿವೆ. ಕನಸಿನ ಬೀಜ ಮೊಳಕೆಯೊಡೆದು ಬೆಳೆಯುವ ಪರಿಯೆಂತು ಹುಡುಗಿ!! ಈಗೀಗ ಕಣ್ಣೀರು ಹಾಕಲು ಭಯವಾಗುತ್ತಿದೆ. ಕಂಗಳಲ್ಲಿ ನಿನ್ನ ಬಿಂಬವೇ ತುಂಬಿಕೊಂಡಿದೆ. ಕಣ್ಣೀರಿನಿಂದಾಗಿ ಅದೂ ಕರಗಿ ಹೋದರೆ ನನ್ನ ರಾತ್ರಿಯ ಕನಸುಗಳಿಗೆ ಜೊತೆಯಾರು?!!! ಬದುಕಬೇಕೆಂಬ ಛಲಕ್ಕೆ ಸ್ಫೂರ್ತಿಯಾರು? ಕಾಗದ ಹಾಳೆಯಲ್ಲಿ ರಂಗಾಗಿ ಕುಳಿತಿರುವ ನೂರಾರು ಶಾಯರಿಗಳು ನಿನ್ನದೇ ಹಾದಿ ನಿರುಕಿಸುತ್ತಿವೆ. ಮುಂದೊಂದು ರಾತ್ರಿಯಲ್ಲಿ ನನ್ನ ಮಡಿಲಲ್ಲಿ ಮಗುವಾಗುವ ನಿನಗೆ ಅದನ್ನು ಪ್ರಸ್ತುತ ಪಡಿಸುವ ಆಸೆಯನ್ನು ಕನಸಲ್ಲೇ ನನಸುಮಾಡಿಕೊಳ್ಳುತ್ತಿದ್ದೇನೆ.

ಮಳೆಗಾಲ ನೋಡು.. ನಿನ್ನ ನೆನಪನ್ನೇ ಬೆಚ್ಚಗೆ ಹೊದ್ದುಕೊಂಡು ನಿನ್ನ ಮಡಿಲಲ್ಲೇ ಮಲಗಿದಂತೆ ಮಲಗಿದವನು ಬೆಳಗಿನ ಚುಮು ಚುಮು ಚಳಿಗೆ ಎಚ್ಚರಾಗುತ್ತೇನೆ.. ಕಿಟಕಿಯ ಹೊರಗೆ ಕಣ್ಣುಹಾಯಿಸಿದಷ್ಟು ದೂರವೂ ಮಳೆಯ ಸಿಂಚನ, ನನ್ನೆದೆಯಂತೆ ತೋಯ್ದು ತೊಪ್ಪೆಯಾದ ಮೇಧಿನಿ. ಸ್ವರ್ಗವೇ ಭೂಮಿಯ ಮೇಲಿದ್ದರೂ ಅನುಭವಿಸುವ ಪುಣ್ಯ ಮಾತ್ರ ಹಣೆಬರಹದಲ್ಲಿಲ್ಲ ಹುಡುಗಿ.. ಕಾರಣ ಹೇಳದೆ ಬೆನ್ನಕ್ಕಿ ಹೋಗುವಾಗ, ಪುನಹ ಮರಳಿ ನಿನ್ನ ಗೂಡಿಗೆ ಬರುವವರೆಗೂ ನನ್ನದೆ ಕನವರಿಕೆಯಲ್ಲಿ ಪ್ರತಿಕ್ಷಣವೂ ಹಂಬಲಿಸು ಎಂದು ಶಾಪವಿಟ್ಟೆ ಹೋಗಿದ್ದೆ ನೀನು!!! ನೀನಿಟ್ಟ ಶಾಪ ಅಣು ಅಣುವನ್ನೂ ದಹಿಸುತ್ತಿದೆ. ಅದನ್ನು ತಡೆದುಕೊಳ್ಳಲಾರದ ನಿಶ್ಯಕ್ತ ನಾನು. ಅದರಿಂದ ವಿಮೋಚನೆಗೊಳಿಸಿ ನನ್ನನ್ನು ಉದ್ದರಿಸು ಹುಡುಗಿ...

ಎದೆಯ ಜೋಪಡಿಯೊಳಗೆ ನಾನಿಲ್ಲದೆ ಅವನು ಬದುಕು ನಡೆಸಬಲ್ಲ ಎಂದು ತಮಾಷೆಗೂ ಕಲ್ಪಿಸಿಕೊಳ್ಳಬೇಡ ಹುಡುಗಿ. ನನ್ನ ಬದುಕಿನಲ್ಲಿ ಸಾವಿಲ್ಲದ ಪಾತ್ರ ನೀನು. ಕಾಡಲ್ಲಿ ಅರಳಿದ ಕಮಲದ ಹೂವಂತ ನನ್ನ ಬಾಳನ್ನು ಚುಂಬಿಸಿ ದೇವರ ಮುಡಿ ಸೇರಿಸುವ ಹಂಬಲವಿದ್ದವಳು, ಕೊನೆ ಕ್ಷಣದಲ್ಲಿ ಮನಸ್ಸು ಬದಲಿಸಿ ಹೊಸಕಿಬಿಟ್ಟೆಯಲ್ಲೇ!!! ಬದುಕಿನ ವಿಲಕ್ಷಣ ತಿರುವಿನಲ್ಲಿ ನನ್ನ ಮಹಲಿನಲ್ಲಿ ಇರಬೇಕಾದ ನೀನೇ ಇಲ್ಲ... ನಾನೇ ನೆಟ್ಟು ಬೆಳೆಸಿದ ಮರದಡಿಯಲ್ಲಿ ನನಗೇ ನೆರಳಿಲ್ಲ. ನಿನ್ನ ನೆನಪು ನನಗೆ ಯಾವತ್ತಿಗೂ ಭಾರವಲ್ಲ ಹುಡುಗಿ ಅದನ್ನು ಎದೆಗವಚಿಕೊಂಡೆ ಬದುಕುತ್ತಿದ್ದೇನೆ. !!!

5 comments:

  1. ninagagi sarvaswavannu thyaga madi thannannu thane dahisikolluthiddalalla antha Devakiya mele yakintha apavada Vasu...? akeya mownadallidda novannu guruthisalarade neenoo yeke chadapadisuttiruve? ninnashtakke neene ellavannu nirdharisi aa badapayiyanneke doorutti helu..onde ondu kshanadalli avala preetiyanne aledubitteya? bhesh....!

    ReplyDelete
  2. DEVAKI ivalannu SEETE,SHAKUNTALE,AHALYE.... enadaru heli. mahakavya galali baruva yavude sthree pathra anubavisada atava hadu hogada sandigdate DEVAKIYADU. Ivala karpanya kunthiyannu meeridu. nanna kannige yella prema kavyagalali baruva NAYAKI e devaki aadare e vasu...................?

    ReplyDelete
  3. howdhu dhevaki karpanyadha naayaki aadhre vaasu dhurantha gaLannu kanDu adhannu anubhavisutthiruva dhurantha naayaka... thyagakke innondhu hesaru dhevaki adhre deepadha keLagina katthaleya neraLanthe thaha thahisutthiruvavanu vaasu...

    Devakiyalli uLidha astu bikkalLikegaLige vaasu baliyaagutthiddhane.... devakiya dhukhadha sama paalu vasuvinadhu...

    sowmya hebri

    ReplyDelete
  4. vasu stp it plz.....
    devakiya bisi hanigalu jor maleyalli ninnannu preetisuttale karagi hogive!! adara lekkavanna ninge kodak agatta vasu???
    ninu kaleda ratri, hagalu, malegala, mattella ninna jolige tumbiruva novu.... ella ellavannu devaki kevala e navamasadalli anubhavisiddale!! sadyavadare vinu sir avru vasu ge arta madsi heli plz..
    from: madhuri, sagar.

    ReplyDelete
  5. Really novice thing in kannada



    Basavaraj Bijjaragi.

    ReplyDelete