Sunday, July 19, 2009

ಆ ಪುಟ್ಟ ಕಂದ ಕೈಗಳನ್ನು ಮೇಲೆತ್ತಿ ಮತ್ತೆ ಮತ್ತೆ ಅರಚುತ್ತಿದೆ

ನಮ್ಮ ಮನೆಯಲೊಂದು ಸಣ್ಣ ಪಾಪ ಇರುವುದು ಎತ್ತಿಕೊಳಲು ಹೋದರದಕೆ ಕೋಪ ಬರುವುದೂ...

ಎಲಿಮೆಂಟರಿಯಲ್ಲಿ ಓದಿದ ಪದ್ಯ ಇದು.ಮೇಷ್ಟ್ರ ಅಂದಿನ ರಾಗ ಇಂದು ಹಾಗೇ ಮತ್ತೆ ಮನೆ ಮಾಡಿದೆ...

ಆ ಪಾಪದ ಹೆಸರು ಪ್ರೀತಿ

ಕೆಲದಿನಗಳಿಂದ ಈ ಪದ್ಯದ ಸಾಲುಗಳು ತುಂಬಾನೆ ನೆನಪಿಗೆ ಬರುತ್ತಿದೆ.ನನ್ನ ಪ್ರೀತಿ ಪರಚಿಕೊಂಡ ಮೇಲೆ ರಚ್ಚೆ ಹಿಡಿದಿದೆ ಮತ್ತೆ ಮತ್ತೆ ಪರಚಿಕೊಂಡ ಗಾಯವನ್ನೆ ಇನ್ನಷ್ಟು ಪರಚಿಕೊಳ್ಳುತ್ತಾ...ಆದರೂ ಆ ಪ್ರೀತಿಯ ಮೇಲೆ ಒಂದಿಷ್ಟೂ ಸಿಟ್ಟಿಲ್ಲ... ಮತ್ತೆ ಮತ್ತೆ ಸಮಾಧಾನಿಸಿ ಮುದ್ದಿಸಬೇಕೆಂಬ ಆಸೆಯಾಗುತ್ತಿದೆ. ಆದರೆ ಮಗು ಕೈಗೆ ಸಿಗುತ್ತಿಲ್ಲ...ಯಾಕ್ ಪುಟ್ಟ ಹೀಗೆ ಅಂತ ಕೇಳಿದ್ರೆ ಮತ್ತೆ ಮತ್ತೆ ಅಳುತ್ತೆ...ಅರ್ಥವಾಗದ ತೊದಲುನುಡಿಯಾಡುತ್ತೆ.ಆ ತೊದಲು ನುಡಿಯೇ ನನ್ನೆದೆಯ ಭಾವಗೀತೆಗಳ ಸಾಲುಗಳಾಗುತ್ವೆ...ಆ ಸಾಲುಗಳನ್ನು ಹಿಂದೆಯೇ ಕವಿಗಳು ಬರೆದಿಟ್ಟಿದ್ದಾರೆ...ಇಂದು ಆ ಹಾಡಿಗೆ ನನ್ನ ಮುಖ ಸರಿಯಾಗಿ ಹೊಂದುತ್ತಿದೆ...

ನಾನು ಅಪ್ಪ ಆಗದೆ ರಚ್ಚೆ ಹಿಡಿವ ಮಗುವಿನ ಅಪ್ಪನ ಭಾವನೆಯನ್ನು ಮೈತುಂಬಾ ತುಂಬಿಕೊಂಡಿದ್ದೇನೆ.

ದೇವಕಿ...

ಆ ಮಗುವನ್ನು ಬೆದರಿಸಿ ತೋಳಿಗೆ ತೆಗೆದುಕೊಳ್ಳಲಾಗುತ್ತಿಲ್ಲ...ಮತ್ತಷ್ಟು ಅಳುತ್ತೆ...ದೂರ ಸರಿಯುತ್ತೆ...ದೂರ ಸರಿವ ಆ ಮುಗುವಿನಿಂದ ನಾ ದೂರಾಗಲು ಸಾಧ್ಯವೇ ಇಲ್ಲ ...ಅಷ್ಟು ಹಚ್ಚಿಕೊಂಡಿದ್ದೇನೆ.

ಆ ಮಗುವಿಗೆ ನೀನು ಅಮ್ಮ ಆಗಲು ಯಾಕೆ ಹಿಂದೇಟು ಹಾಕಿದ್ಯೋ ಗೊತ್ತಿಲ್ಲ... ಬಹುಶಃ ಆ ಮಗೂಗೆ ಅಪ್ಪನ ತೋಳಿಗಿಂತ ಅಮ್ಮನ ತೋಳೇ ಬಲು ಇಷ್ಟ ಅಂತ ಕಾಣುತ್ತೆ...ಆ ಪುಟ್ಟ ಕಂದ ಎರಡೂ ಕೈಗಳನ್ನು ಮೇಲೆತ್ತಿ ಮತ್ತೆ ಮತ್ತೆ ಅರಚುತ್ತಿದೆ...

ನಿನ್ನ ಬೆಚ್ಚಗಿನ ಮಡಿಲಲ್ಲಿ ಮುದುರಿ ನನ್ನ ನೋಡಿ ನಗುವಾಸೆ ಇರಬೇಕು ಅದಕ್ಕೆ.

ಆ ಮಗು ಯಾರೋ ಬೀದಿಲಿ ಬಿಟ್ಟ ಹಸುಳೆಯಂತಾಗಿದೆ...ದಿಕ್ಕೆಟ್ಟ ಜಗತ್ತಲ್ಲಿ ಮತಿಗೆಟ್ಟ ಮನಸ್ಸಲ್ಲಿ

ಅನಾಥವಾಗಿ...

ನಮ್ಮಿಬ್ಬರ ಪಾಪವಾಗಿ.

4 comments:

  1. Vasu neenu ashtondu apset aagbeda...
    Khanditha Devaki ninnavale...
    Nimmadu "Pair that made in heaven"
    Just you have to wait for good time..
    Good luck..
    Bye.

    ReplyDelete
  2. vasu america ke neenu hogbeda. preeti inda doora hodashtu adara seleta jasti. devaki ninnavale, adare avala asahayakathe avlanna katti hakide. adarinda hora barodike avakaasha kodu.ninna preeti na express maadid hage devaki express madta illa, adre she loves u more than u.

    wait madu. ninna devaki ninnavale.

    shilpa

    ReplyDelete
  3. vaasu..ondakkinta ondu baraha chanda ide..yella ninna devakiya haage.. aakeginta olleyavalu sundari tumbu hrudayadavalu ninage bere yaaru siguvudilla

    nirmala venkatesh

    ReplyDelete
  4. Yapppa YappA!!! Truely Insane and Hypocrats.World is Half built,Why don't you guys utilise in writing a comment for some constructive work.Can anyone tell me,why you people live in a dreamy land? A serial is a serial,it would have no affects no matter who suggest or advice. Save India!! Indian Air Force ROCKS!!!

    ReplyDelete